Un mundo de chíos

01
Ideas claras

Galego
beta

Un pasiño para lograr a actualización definitiva.

Actualmente podes configurar a túa conta de  Twitter en galego. O que estamos a ver é unha versión de probas, que aínda ten que ser mellorada.

O galego
na rede

Chíos en galego para vivirmos en galego.

A promoción da nosa lingua na rede é fundamental á hora de levar adiante esta iniciativa. Non tería sentido ningún termos o Twitter na nosa lingua e que os nosos chíos non foran en galego.

Twitter
mobile

O seguinte paso: a versión móbil.

A versión móbil do Twitter en galego é o seguinte paso. O maior uso desta rede social faise dende sistemas móbiles. É fundamental que o galego estea presente.

02
O camiño

Como se logrou

MAIO DE 2011

Comeza a iniciativa

O 7 de maio de 2011 crease o perfil do Twitter en galego que tiña como primeira finalidade conseguir o maior apoio de internautas para despois reclamar o obxectivo principal: a posibilidade de traducir a rede social a nosa lingua.

SETEMBRO DE 2012

Centro de Tradución

Despois de moito reclamar, en setembro de 2012 o Centro de Tradución de Twitter incorpora o galego como unha das moitas linguas para traducir.

FEBREIRO DE 2013

Twitter chía en galego

Despois de seis meses de intensa traballo, chegando a pasar as 10.000 cadeas a traducir, o 23 de febreiro de 2013 o galego convértese noutra nova incorporación a grella de linguas que se poden empregar na configuración desta rede social.

03
Impacto

#tendencias

O galego segue a ser tendencia tamén nos temas do momento, tanto a nivel galego como estatal e incluso, global.

Que faremos na Cidade da Cultura?

A iniciativa Twitter en galego creou e impulsou varios cancelos que chegaron a ser tendencia do momento a nivel estatal e incluso a ser unha tendencia global como aconteceu coa etiqueta #EuNaCidadeDaCultura que buscaba brincar sobre que facer co futuro desta infraestrutura.

Entre outras tendencias atópanse o propio cancelo da iniciativa #twitterengalego que se utilizou para visibilizar o proxecto e reivindicar que queremos o Twitter na nosa lingua.